Pa e di 3 aña consecutivo PREMIO PA E MIHOR STUDIANTE DI ECONOMIA Studiantenan cu ta resalta

Pa e di 3 aña consecutivo PREMIO PA E MIHOR STUDIANTE DI ECONOMIA Studiantenan cu ta resalta


ORANJESTAD, Aruba – Recientemente a tuma lugar na Universidad di Aruba e evento di entrega di premionan pa e mihor studiantenan di e estudio di
Economia. E ‘Premio CATC’ a wordo entrega pa e di 3 aña consecutivo.

Tur aña Caribbean Accounting & Tax Consultants (CATC) conhuntamente cu docentenan di e ‘Financieel Economische Faculteit’ (FEF) ta scohe un
ganador for di e scriptienan cu ta wordo entrega. Pa 2010-2011 e nominadonan tawata Susanne de Freitas, Melany Tromp y Anika Stevens.

Cu su scriptie ‘The Financial Education Survey-Financial lieterace of the adult Aruba population’, Melany Tromp a sali como e ganadora final di e
premio prestigioso ‘CATC’ , na balor di Awg. 1.000,00. Melany su encuesta tawata basa ariba e conocimiento financiero berdadero di Aruba su populacion.

Pa wordo considera pa e premio ‘CATC’, e ‘afstudeeropdracht’ mester a haya un 8 como cifra minimo como resultado/ reconocimiento final. E aña aki
tawata tin 6 studiante cu e logro y a selecta 3 di nan pa e consideracion di e Premio CATC. Un team di docentenan di FEF y specialistanan di CATC ta
revisa e scriptienan y ta dicidi riba e ganador final.

CATC ta duna oportunidad na studiantenan di FEF pa core stage y pa haci nan ‘afstudeeropdracht’. Es mas, cierto di nan ta haya e posibilidad di traha
na e prestigioso compania despues di nan estudio pa haci uso di nan conocimiento den practica.

Caribbean Accounting & Tax Consultants N.V. a wordo forma na 1994 pa Sr. Reint Roossien y tin un total di 37 empleadonan actualmente. CATC ta duna
comerciante consehonan experto ariba tereno di administracion, impuesto, payroll, situacionnan fiscal-huridico en economico den tur ramo di trabou
manera construccion, comercio, industria, projecto, servicio y turismo.

CATC tambe tin filialnan na Korsou y Bonaire. Pa mas informacion, bishita nos website: www.catcaruba.com

2017-04-06T11:12:18+00:00 October 31st, 2011|